2 адамнан «covid-19» инфекциясы анықталды
Қазалы ауданында 2 адамнан «COVID-19» инфекциясы анықталды. Науқастар Жанқожа батыр ауылындағы №94 мектептің оқушылары.Қазіргі таңда үйінде оқшауланып, амбулаториялық ем қабылдауда. Қазалы аудандық санитариялық-эпидемиологиялық бақылау басқармасы індет ошағын анықтау мақсатында зерделеу жұмыстарын жүргізуде.
Еліміздегі эпидемиологиялық ахуал күрделеніп, бірнеше облыста науқастардың саны күннен-күнге көбеюде. Осыған орай тұрғындардан карантин талаптарын қатаң сақтап, сақтық шараларын естен шығармауды сұраймыз.
"ҚАЗАЛЫ" ақпарат
