Қазалыда 1 адамнан «covid-19» инфекциясы анықталды
Кеше Қазалы ауданында 1 адамнан «COVID-19» инфекциясы анықталды. Науқас Ақтан батыр ауылының тұрғыны.Науқаста ауру белгілері жоқ болғандықтан (симптомсыз) үйінде оқшауланып, дәрігерлердің бақылауында. Қазалы аудандық санитариялық-эпидемиологиялық бақылау басқармасы індет ошағын анықтау мақсатында зерделеу жұмыстарын жүргізуде.
Еліміздегі эпидемиологиялық ахуал күрделіп, бірнеше облыстарда науқастардың саны күннен-күнге көбеюде. Осыған орай тұрғындардан карантин талаптарын қатаң сақтап, сақтық шараларын естен шығармауды сұраймыз.
Жеңісбек АЙЫМҚҰЛОВ
