Қазалы Qazaly.kz ақпараттық агенттігі
» » Алыстағы ауылдарға байланыс желісі барды

Алыстағы ауылдарға байланыс желісі барды

Өткен сейсенбі Қазалы ауданына қарасты Лақалы және Сарбұлақ ауылының тұрғындары үшін қуанышты күн. Өйткені аудан орталығынан шалғай орналасқан ауыл тұрғындары енді «Activ» ұялы байланыс желісін пайдаланып, жақын-жуықтарына жедел хабарласа алады.
– Көңілге қонымды жүйелі жұмыстар жылдан жылға жалғасын тауып келеді. Бүгін алыс ағайынмен байланыс құратын мүмкіндік туып отыр. Егер ауданның барлық шалғай ауылдарына байланыс желісі барып тұрса, мұның өзі елдің даму жолындағы атқарған үлкен жұмысы болар еді. Сарбұлақ ауылының тұрғындары жағымды жаңалықтың келгенін естіп, қуанышымыз көкке жетіп отыр. Жауаптыларға алғыс білдіреміз, – деді бір топ ауыл тұрғындары.
Айта кетейік, аталған жоба «Цифрлық Қазақстан» мемлекеттік бағдарламасының шеңберінде жүзеге асты.
Негізінен Қазалы ауданы бойынша бағдарлама аясында 2020 жылдың соңына дейін 4 елді мекен Kcell және Beeline операторлары арқылы 3G/4G сымсыз технологияларымен және мобильді ұялы байланыс қызметімен қамтамасыз ету жоспарланған.
Солардың ішінде ауданда алғаш болып Шәкен ауылдық округінің орталығына Beeline операторы арқылы байланыс орнатылған болатын.
Енді жыл соңына дейін Аранды ауылына «Activ» ұялы байланыс желісі орнатылады деп жоспарлануда.
Серік АҚМЫРЗА
31 желтоқсан 2020 ж. 2 505 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031