Оғыз мемлекетінің ордасы Жанкент шаһарына далалық зерттеу жұмыстары Қызылорда облыстық тарихи және мәдени ескерткіштерді қорғау мемлекеттік мекемесі тарапынан жүргізілуде. Бұл бағытта Қорқыт Ата атындағы Қызылорда мемлекеттік университетінің арасында шарт негізінде мамыр айынан бастап археологиялық зерттеулер және музейлендіру қолға алынған.

Археологиялық қазба жұмыстарын 3 қазба тобы жүргізуде.Бірінші топ қалашықтың шығыс қорғаныс қабырғасында орналасқан қалашықтың бас қақпасында, екінші топ қалашықтың шығыс бөлігінде орналасқан бірнеше бөліктен тұратын ірі тұрғынжайда, үшінші топцитадельдің солтүстік бекіністі қазба, консервация және музейфикация жұмыстарын бастады.

Қазба жұмыстарымен қатар, тұрғын үйжайларды қайта қалпына келтіру жұмыстары іске асуда. Қазба жұмыстары барысында қала тіршілігінен мол мағлұмат беретін құнды археологиялық жәдігерлер қыш ыдыс сынықтары табылу үстінде. Далалық зерттеулер барысында бұл тұрғын үй кешенінде стратиграфиялық қазба жұмыстары, ашылған тұрғын үй бөлмелері қайта қалпына келтіру жұмыстары және оның бөлме ішіндегі интерьерлерін қайта қалпына келтіру жоспарланып отыр. Бұл дегеніміз ашық аспан астындағы музейлендіру туристік орталыққа айналдыру жобасының бір бөлігі.Жанкент шаһарының №7 қазба жұмысышығыс қақпасына салынған қазба нәтижесінде қақпа құрылысының күрделі болғанына көзіміз жетіп отыр. Бұл қаланың бас қақпасы. Қақпа құрылымы күрделі, ол лабиринт әдісімен жоспарланып, ішкі бөлігіне құрылыстар салған. Ол қақпаның қорғаныс жүйесін арттырып, қаланың басты стратегиялық ғимараты болғандығы көрсетеді.

2019 жылы осы шығыс қабырғаларында «Казреставрация» мемлекеттік мекемесіқайта келтіру жұмыстарын бастап, ол осы жылы жалғасын табатын болады.

Осы жылғы жоспар бойынша қаланың солтүстік қабырғасы цитадельінде,яғни,әкімшілік ғимараты бөлігінде орналасқан екі мұнараны толықтай ашу жұмыстары жүргізіліп жатыр.Бүгінде Жанкент қалашығының қорғау аймағы белгіленіп, замануи темір қоршаумен толық қоршалған. Ескерткішке кірер жерге салынған биік стелла келген туристерге әсер қалдырып, шаһардың терең тарихынан сыр шертеді.