Ақша айырбастау пунктерінде доллар бағасы 500 теңгеден төмен түсті

Бүгін Астана қаласындағы айырбастау пунктерінде доллар 505–506 теңгеден сатылып, 498–499 теңгеден сатып алынып жатыр, деп хабарлайды turkystan.kz.

Алматыда америкалық валютаның сатылу бағасы 502–503 теңге болса, сатып алу орташа есеппен 499,99 теңгені құрайды.

Айта кетейік, 3 желтоқсанда KASE-дегі күндізгі сауда қорытындысы бойынша доллардың орташа сараланған бағамы 503,89 теңге болды, бұл алдыңғы көрсеткіштен 4,07 теңгеге төмен. Осылайша, курс нарық үшін маңызды шекара саналатын 500 теңгелік "психологиялық межеге" жақындады.

Осы күні Астанадағы айырбастау пунктерінде доллар орташа 509,52 теңгеден сатылып, 502,52 теңгеден сатып алынған. Алматыдағы айырбастау орындарында доллардың сату бағасы орташа 507,03 теңгені, сатып алу бағасы 504,71 теңгені құрады.

Ұлттық банктің 4 желтоқсанға арналған ресми бағамы — 503,89 теңге.