Қазалыда "Жолда қабылдау" республикалық акциясы өтуде
Бүгін аудан орталығы – Әйтеке би кентінде дәстүрлі «Жолда қабылдау» республикалық акциясы басталды. Акцияға аудандық полиция бөлімінің әкімшілік полиция, жергілікті полиция, көші қон қызметінің қызметкерлері тартылып, халыққа құқықтық ақпарат және көмек жасады.– Бұл шараның мақсаты – азаматтарымыздың әр түрлі сала бойынша құқықтық сауатталығын арттыру. Сол үшін бүгін осы акция аясында халық көп шоғырланатын жерге арнайы автокөлік қойылды. Мұндағы қызметкерлер өздеріне қатысты қандай да бір мәселемен келген азаматтардың сұрақтарына жан-жақты жауап беріп жатыр. Олар негізінен көші-қон, қару алу және заңдастыру, автокөліктерге және жүргізуші куәлігі байланысты болды, – дейді аудандық полиция бөлімі бастығының орынбасары полиция подполковнигі Айбек Әлиев.Ұйымдастырушылардың айтуынша, бүгін сағат 15:00-ге дейін 60-қа жуық адам «Жолдау қабылдау» акциясы аясында құқықтық кеңес алып, ризашылықтарын білдірген.Айта кетейік, республикалық акция ертең де өз жалғасын табады. Аудандық полиция бөлімінің қызметкерлері 14 қыркүйек күні кешкі сағат 19:00-ге дейін тұрғындарды қабылдайды.
Қазалы ауданы әкімінің баспасөз қызметі
