Жеткіншектер жеткен жетістік

Басықара ауылындағы №182 мектептің 9 сынып оқушылары республикалық дәрежедегі жүлдеге ие болды. Тарқатып айтсақ, Астана қаласында 2004-2005 жылы дүниеге келген жасөспірім палуандар арасында грек-рим күресінен өткен атаулы турнирге қатысқан Кенжеәлі Сүлеймен 68 келі салмақта бас жүлдені иемденсе, 48 келі салмақта сынға түскен Әли Қайратұлы үшінші орыннан көрінді.

Ал, Үміт Өмірұзақ Әйтеке би кентіндегі «Рухани жаңғыру» аясында ұйымдастырылған республикалық өнер және білім байқауында баян аспабында шебер ойнап, қазылар алқасының шешімімен бас жүлдеге қол жеткізді. Бұл орайда палуандарды додаға дайындаған бапкер, спорт шеберлігіне үміткер Әмір Айнадин мен ән-әуез маманы, жоғары санатты ұстаз Индира Әбдіәлімқызының тынымсыз еңбегін арнайы атап айтқан орынды.