GGG-дің жеңілгеннен кейін неге сұқбат бергісі келмегені белгілі болды
Спорттық мансабында алғаш рет жеңіліс тапқан Геннадий Головкиннің жекпе-жектен кейін неліктен сұқбат бергісі келмегені белгілі болды. Елдің көкейіндегі сұраққа отандысымыздың бапкері жауап берді деп жазады Sports.kz-ке сілтеме жасаған NUR.KZ.
Абель Санчестің сөзінше, бұл Сауль Альварестің мерекесі болғандықтан GGG бапкерінен сұқбаттарды кейінге қалдыруды сұраған.
"Тойласын, бұл оның сәті. Біздің сұқбатымыз кейін болады. Осы сәт солармен қалсын", - деген Головкин бапкеріне.
Еске сала кетейік, 16 қыркүйек күні 38 жекпе-жек өткізіп, ешбірінде жеңіліп көрмеген Геннадий Головкин алғаш рет мексикалық Сауль "Канело" Альварестен жеңіліп, орта салмақтағы чемпиондық атағынан айырылып қалды.
