Еліміздің құрамасы Азия чемпионатында топ жарды
Малайзияның Малакка қаласында WKF каратэден ересектер арасындағы XIX Азия чемпионаты аяқталды, деп хабарлайды baq.kz Спортты дамыту дирекциясына сілтеме жасап.Оған 31 елден 400-ге жуық татами шебері жиналды. Ел намысын 19 спортшы қорғады.
Жарыстың соңғы күні командалық сында жүлделі орындарды сарапқа салды.
Нәтижесінде кумите бағдарламасында ерлер командалары арасында отандастарымыз күміске қол жеткізді.
Сондай-ақ чемпионат қорытындысы бойынша Қазақстан құрамасы 3 алтын, 4 күміс және 4 қола медальмен алғаш рет жалпы есепте көш бастады.
Жапония каратэшілері (3 алтын, 3 күміс, 2 қола) екінші орында, ал үздік үштікті Иран спортшылары (3 алтын, 2 күміс, 7 қола) түйіндеді.
