Елена Рыбакина эйстен әлемде көш бастады
Қазақстанның бірінші, әлемнің 3-ракеткасы Елена Рыбакина эйс жасау жөнінен әлемде жекедара көш бастап келеді, деп хабарлайды inform.kzWTA кестесінен мәлім болғанындай, биылғы маусымда Елена Рыбакина 44 матчта 349 эйс жасап үлгерді.
Франциялық Каролин Гарсия 42 матчта 305 эйс жасаса, белоруссиялық Арина Соболенко (48, 275) үздік үштікті түйіндеп тұр.
Ресейліктер Вероника Кудерметова (39, 206), Людмила Самсонова (32, 197) төртінші, бесінші сатыда.
Еске сала кетейік, бұдан бұрын Юлия Путинцеваның Будапеште жеңіліп қалғанын жазған едік.
