Қазақстандық регбишілер Голландияда өткен халықаралық турнирде жеңіске жетті
Регбиден Қазақстанның әйелдер құрамасы Нидерланды астанасында өткен Amsterdam Sevens халықаралық турнирінің жеңімпазы атанды, деп хабарлайды zakon.kz.Қазақстандық әйелдер құрамасы барлығы 7 ойын өткізіп, барлығында жеңіске жетті. Жеңілген командалар тізімінде Латвия мен Нидерландының жоғарғы дивизионының клубтары бар. Айта кетейік, өткен жылы да қыздарымыз бұл жарыстара кіл мықтының қатарынан көрінді, ол жолы кейін финалда Польша құрамасын 12:7 есебімен ұтқан болатын.
Сондай-ақ 2019 жылы бұл турнирдің финалында "Алматы" клубы Аустралияның "Рэндвик" командасын 14:12 есебімен ұтқан еді.
Amsterdam Sevens – 50 жылдық тарихы бар Еуропадағы ең беделді турнирлердің бірі, алғашқы турнир 1972 жылы өткен. Жарыстың ерекшелігі – ұлттық құрамалармен кез келген кәсіпқой клуб қатыса алады. Әр команда кемінде 5 ойын өткізеді
