Бибісара Асаубаева алдыңғы бестікте

Халықаралық шахмат федерациясы әлемдік рейтингті жаңартып, үздіктер тізімін жариялады. Ресми сайттағы мәліметке сәйкес, қазақстандық Бибісара Асаубаева 5-ші орынға көтерілген. Ол блиц бәсекесі бойынша 2 дүркін әлем чемпионатында топ жарды. Жуырда ғана Нью-Делиде өткен әлемдік гран-приде үздік үштіктен табылды. Сонымен қатар, күні кеше Астана қаласында әлемдік рейтингтің көшін бастап тұрған қытайлық Хоу Ифань ұтып, сенсациялық жеңіске жеткен болатын. Соның арқасында 19 жастағы қазақ қызы алдыңғы 5-тіктен табылып отыр. Тағы бір қазақстандық Жансая Әбдімәлік жалпы тізімде 22-ші, Динара Сәдуақасова мен Меруерт Камалединова, сәйкесінше, 23-ші және 26-шы орындарда. Рапид бәсекесі бойынша Жансая 10-шы, Динара 14-ші, ал, Бибісара 16-шы тұр. Ал классикалық шахматта жоғарыда аты аталған 4 қыз да алдыңғы 100-дікке кіреді.