Жәнібек Әлімханұлы "Жыл жаңалығы" номинациясына ұсынылды
Орта салмақта өнер көрсететін Жәнібек Әлімханұлы (11-0, 7 КО) "Жыл жаңалығы" номинациясына ұсынылды. Спортшылар тізімін Top Rank промоутерлік компаниясы жасаған, деп хабарлайды Stan.kz .
28 жастағы қазақстандық боксшы 2021 жылы жеткен жетістіктерінен кейін номинацияға ұсынылған. Әлімханұлы 2021 жылдың 26 шілдесінде америкалық Роб Брантты (26-3, 18 КО), ал 20 қарашада франциялық боксшы, бұрынғы әлем чемпионы Хассан Н'Дам Н'Жикамды (38-6, 21 КО) техникалық нокаутпен жеңді.
Бүкіләлемдік бокс ұйымы Әлімханұлын WBO чемпиондық белбеуіне міндетті үміткер ретінде жариялаған. Қазір аталмыш белбеу америкалық Деметриус Андрадеге (31-0, 19 КО) тиесілі. Бұдан кейін отандасымыз болашақта “төрт салмақ дәрежесінде чемпион атанатынын” айтқан еді.
