IBF рейтингі: Қазақ боксшыларының жағдайы қалай?
Халықаралық бокс федерациясының (IBF) рейтингі жаңартылды. Рейтингте екінші орта салмақ дәрежесіндегі қазақстандық боксшы Айдос Ербосынұлы төртінші орынға орныққан, деп хабарлайды egemen.kzБасқа боксшылардың жағдайына келсек, орта салмақ дәрежесінде бақ сынап жүрген Жәнібек Әлімханұлы IBF рейтингінде тоғызыншы орынға табан тіресе, Мейірім Нұрсұлтанов оныншы, Қанат Ислам он үшінші орынға жайғасқан. Бұл салмақта IBF тұжырымы бойынша Геннадий Головкин әлем чемпионы екенін айта кеткен жөн.
Жартылай орта салмақ дәрежесіндегі ел мақтанышы, Олимпиада ойындарының чемпионы Данияр Елеусінов он төртінші сатыға орналасса, бірінші жартылай орта салмақта бақ сынап жүрген Батыр Жүкембаев рейтингтен шығып қалған.
