Олимпиада тізімінен алынған спорт түрлерінің орнына каратэ, бейсбол және софтбол қосылған. Ұйымдастыру комитеті жарыс бағдарламасы нақты екенін және тізім өзгермейтінін мәлімдеген. 

Дүниежүзілік каратэ федерациясының президенті Антонио Эспиноса спорттың бұл түрі олимпиада ойындарына оралуы керек екенін айтты.

– Біз әлемге каратэнің ерекше спорт түрі екенін көрсеттік. Ол арнайы спорттық дайындықты және арнайы техниканы қажет етеді. Бұл олимпиадаға ұсына алатын спорт, өйткені ол олимпиадалық құндылықтарға сәйкес келеді, – деді Эспиноса.

Еске салсақ, каратэ спорты Токиодағы 2020 жылғы олимпиада ойындарына алғаш рет енген болатын. Қазақстан атынан барған каратэшілер Дархан Асәділов пен Софья Берульцева елге екі қола медаль алып келген.