Қазақстан садақшылары Олимпиада ойындарында алғаш рет өнер көрсетеді
Төрт жылдың емес, 5 жылдың басты бәсекесі атанып отырған Токиодағы ХХХІІ Жазғы Олимпиада ойындарында әлемнің 205 мемлекетінен келген 11 мыңнан астам спортшы 339 медаль жиынтығын сарапқа салады. Ерекше атап көрсетерлігі, еліміздің 3 садақшысы Қазақстан атынан Олимпиада ойындарына алғаш рет қатысып жатыр, деп хабарлайды inbusiness.kz.Биыл Олимпиада бағдарламасына спорттық құзға өрмелеу мен каратэ енді. Біздің спортшылар аты аталған спорт түрлерінен де алғаш рет бақ сынайды. Су добынан ерлер құрамасы Қазақстан атынан топтық ойынға қатысатын жалғыз команда. Бокстан ерлер командасы 8 салмақ дәрежесінде, яғни барлық салмақта өнер көрсетеді. Айтпақшы бізде жүзуден 3 жолдама бар. Оның екеуін іріктеу кезеңінде Олимпиада чемпионы Дмитрий Баландин жеңіп алған.
