Қазақстандық дзюдошы Еуропа кубогының жеңімпазы атанды
Братиславада дзюдодан өтіп жатқан Еуропа кубогы жарысында қазақстандық Бақытжан Абдурахманов жеңімпаз атанды.Қазақстан дзюдо федерациясы мәлім еткеніндей, Бақытжан 73 келіге дейінгі салмақта жеңіс тұғырына көтерілді. Турнир барысында ол финалға дейін бес кездесу өткізіп, барлығында мерейі үстем болды. Ал соңғы бәсекеде словениялық Джуз Мекилосекті қосымша уақытта иппонмен тізе бүктірді.
Словакия астанасында болып жатқан ересектер арасындағы айтулы додаға әлемнің 34 елінен 384 дзюдошы қатысуда.
