Талай талқыдан өткен төл әліпби
Елбасы бастамасымен қазақ тілінің жаңа әліпбиіне көшу жөніндегі мәселе көтеріліп, халық арасында жиі талқыланып келе жатқандығы белгілі. Осыған орай оның жаңа нұсқасы көптің назарына ұсынылып отыр. Жарияланған жаңа редакция жобасы бойынша латын графикасындағы қазақ әліпбиінде апострофтар алынып тасталды. Енді бірнеше әріп диграф арқылы жазылатын болады.Бұл жерде айта кетерлік жайт, латын графикасына негізделген қазақ әліпбиінің соңғы нұсқасын пайдалану кезінде біршама қолайсыздық та кезікті. Әліпбидегі апостроф арнайы белгі ретінде қарастырылып, ол барлығын бөліп тұрды. Осының әсері алғашқыда интернеттегі іздеу және қаржы қызметінде қиындықтар тудырды. Нәтижесінде ІТ саласы мен тіл мамандарының пікірі жан-жақты ескерілуі арқылы жаңа жоба ортаға келді.
Латын әліпбиінің соңғы нұсқасы бұрынғыға қарағанда әлдеқайда тиімді деп ойлаймын. Тек енді алдағы уақыттары ден қоя оқып, үйреніп, тұрмысымызға кеңінен енгізудің тиімді жолдарын жүйелі түрде мұқият қарастыра білгеніміз жөн.
Сағыныш ӨТЕУЛИЕВА,
№266 мектеп-лицейдің мұғалімі.
