Қазалы Qazaly.kz ақпараттық агенттігі
» » "Сүйегін күні-түні өртеген": Атышулы оқиға жайында тың мәліметтер шықты

"Сүйегін күні-түні өртеген": Атышулы оқиға жайында тың мәліметтер шықты

Қостанай облыстық полициясындағылар шынжырлап ұстап, қатігездікпен өлтірілген ер адамның ісінің мән-жайын айтып берді. Аталған қылмыс бойынша, дәмхана иесі мен түрлі жұмыс атқарушы екі адам күдіктеліп отыр, деп хабарлайды «Алау» порталы.

Полиция мәліметінше, Меңдіқара ауданындағы дәмханада болған қылмысқа дәмхана иесі мен түрлі жұмыс атқарушы екі адам күдіктелуде. Оларға қатысты 15 қылмыстық іс қозғалыпты. Анықталғандай, күдіктілердің әрекетінен тағы бірнеше адам зардап шеккен.

Полиция департаментінің тергеу басқармасының басшысы Нұрлан Арыстановтың сөзінше, кәсіпкер адамдарды қаржылық тәуелділікте ұстап, әр ағаттығы үшін айыппұлмен жазалап, жұмысшыларға қолхат жаздыратын болған.

«Олардың әрқайсысы шамамен 40, 100 мың теңге «қарызданған». Олар қорыққандықтан, кете алмапты», - дейді Нұрлан Арыстанов.

Сонымен қатар ол күдіктілердің адамдарды өлтіргеннен кейін олардың мәйітімен не істегендерін айтып берді.

«Бір жылдан кейін оқиға орнын тексеру барысында тапқанда көргеніміздей, сүйегі полиэтилен пакетке сыйып кетеді. Олар оны күні-түні өртеген. Түгін қалдырмай өртеп жіберу үшін баллондар қолданған», - дейді тергеу басқармасының басшысы.

«Астана» арнасының мәліметінше, сонымен қатар көз жұмған ер адам сексуалдық зорлыққа тартылған.

Ендігі күдіктілер кісі өлтіру, денесіне зақым келтіру, зорлау баптары бойына айыпталып отыр. Анықталғандай, кәсіпкер бірқатар жұмысшысын үнемі ұрып-соғып, еңбек және сексуалдық құлдықта ұстаған.
29 тамыз 2019 ж. 729 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031