Қос қабатты үйдегі қайғы
Қызылорда қаласындағы екі қабатты үйде газ баллон жарылдыТілсіз жаудың салдарынан 1942 жылы дүниеге келген азаматша күйік жарақатын алды.
Бұл туралы Қызылорда облыстық төтенше жағдайлар департаментінің баспасөз қызметі хабарлады. Аталмыш төтенше оқиға 15 тамыз күні сағат 13:40 минуттаорын алған. Облыс орталығындағы Әлихан Бөкейхан көшесі №45 үйдің екінші қабатында орналасқан №3 пәтерде редуктордағы ақауы салдарынан 27 литрлік баллоннан газ ауаға таралған.
Бұл туралы департамент өкілдігінің баспасөз қызметі:
«Оқыс оқиға салдарынан 1942 жылы дүниеге келген азаматша күйік жарақатын алды. Ол қалалық аурухананың травматология бөлімшесіне жеткізілді. Сондай-ақ, «Апаттар медицинасы орталығы» филиалының қызметкерлері осы үйдің тұрғындарына медициналық және психологиялық көмек көрсетті. Ал тұрғын үйдің №1, 3 пәтер тұрғындары туысқандарының үйлеріне орналастырылды», - деп мәлім етті.
"ҚАЗАЛЫ" ақпарат
