«Армысың әз – Наурыз» атты мерекелік кеш
Наурыз – Ұлыстың ұлы күні. Бұл күні бүкіл қазақ елі наурыз мерекесін тойлап, жеті түрлі азықтан Наурыз көже дайындап, көршілерін мейман етіп, ұлан-асыр той қылған. Осындай той-думан Қазалы гуманитарлық-техникалық колледжінде де болып өтті.
"Армысың, әз-Наурыз" атты мерекелік кешке оқу орны жанындағы көше тұрғындары, ақсақалдары, жастары қатысты. Колледж директоры М.Таңжарықов барша жұртты мерекемен құттықтап, ақ тілегін білдірді.
Батпан көтеру, қол күрес, арқан тартыс секілді спорттық ойындар ұйымдастырылды. Жастар қауымы белсене атсалысып, жүлделі орындар мен бағалы сыйлықтар иемденді. Мың бұрала билеген бишілер және әсем дауысты әнші қыздарымыз кештің көркін келтірді. Әрі қарай қонақтар мерекелік дастархандағы наурыз көжеден дәм татты. Ақсақалдар бата берді.
Б.Ә.Ібайдуллаев,
Қазалы гуманитарлық-техникалық колледжінің
тәрбие ісі жөніндегі орынбасары