Балаларды қуанышқа кенелтті
Тұрмыстағы әралуан топтың әлеуметтік жағдайы да түрлі келеді. Ондайда адамдар бір-біріне қайырымдылық, мейірімділік таныту арқылы жақсы мүмкіндік тудырады.Бірлік ауылында туып, шағын кәсіпкерлігін дөңгелетіп отырған Гүлсая Құтжанова өзі білім алған №102 мектеп оқушыларына қамқорлық танытып, аялы алақаны, жүрек жылуын сауабы мол іске арнап жүрген жан.
Қазіргі таңда «Томпи» тәттілерін өндіруші кәсіпкер жақында мектепалды даярлық және 1 сынып оқушыларын киім-кешекпен қамтамасыз етіп, балаларды қуанышқа кенелтті.
Туған жерінің өсіп-өркендеуіне лайықты үлесін қосқан кәсіпкер Гүлсаяға ата-аналар мен мектеп ұжымы шынайы ризашылығын жеткізді.
Роза АҒЫБЕРГЕНОВА,
№102 орта мектеп директорының орынбасары
