21 қаңтарға арналған ауа райы болжамы
"Қазгидромет" РМК синоптиктерінің болжамына қарағанда, бүгін еліміздің басым аумағында ауа райы тұрақсыз болады. Атмосфералық фронттардың өтуіне байланысты жауын-шашын жауады.
Оңтүстік-батыста жауын-шашын болмайды. Кей жерде тұман түсіп, көктайғақ, жаяу бұрқасын болуы мүмкін, жел күшейеді.
Ақмола, Қостанай, Солтүстік Қазақстан, Қарағанды облыстарының кей жерінде жаяу бұрқасын, тұман, көктайғақ болып, жел 15-20 м/с күшейеді.
Ақтөбе, Шығыс Қазақстан облыстарының кей жерінде түнде тұман түседі. Шығыс Қазақстан облысының кей жерінде жел 15-25 м/с күшейіп, күндіз бұрқасын болады.
Батыс Қазақстан облысының кей жерінде тұман, көктайғақ болады, күндіз жел 15-20 м/с күшейіп, жаяу бұрқасын болуы мүмкін.
Түркістан, Қызылорда, Атырау облыстарының кей жерінде тұман, көктайғақ болады.
Жамбыл, Маңғыстау облыстарының кей жерінде тұман, көктайғақ болып, жел 15-23 м/с күшейеді.
Алматы облысында түнде, Павлодар облысының кей жерінде күндіз жел 15-20 м/с күшейіп, кей жерінде тұман, көктайғақ болуы ықтимал. Алматы облысының Жалаңашкөл ауданында желдің екпіні 30 м/с асу мүмкін.
