Айыпталушылардың айтуынша, олар Ә.-ның басқаруындағы мотокөлігімен түнгі мезгілде заңсыз қоян аулаған. Рейдтік іс-шара кезінде И., Д. және Ә. полиция қызметкерлеріне ұсталып, мотокөлікті тексеру кезінде, оның ішінен 2 өлі қоян, аңшы мылтығы және жарық түсіргіш прожектор табылып, айғақ зат ретінде алынған. Сотталушылар өздерінің заңсыз әрекеттерімен мемлекетке 36075 теңге көлемінде залал келтірген.

Сот үкімімен айыпталушы үш заңға қайшы келетін теріс қылық танытқандары үшін кінәлі деп танылып, 1 жыл мерзімге аңшылықпен айналысу құқықтарынан айырылып, оларға 20 айлық есептік көрсеткіш, яғни 48100 теңге мөлшерінде айыппұлдар салынды.

Заттай дәлелдеме ретінде танылған аңшы мылтығы мен мотокөлік мемлекет пайдасына тәркіленді.