Қасқырдың жүрегін суырып алып, шикілей жеген қазақстандықтар жұртты шошытты

Желіде аңшылық кезінде қасқырды өлтіріп, жүрегін шикілей жеген қазақстандықтардың видеосы пайда болды. Желі қолданушылары олардың бұл әрекетінен шошып, жағымсыз пікірлерін жаудырды.

Бұл туралы «Экспресс К» басылымына сілтеме жасап Stan.kz хабарлайды.

Ерте замандарда түркілер қорқақ балаларға наным-сенім бойынша қасқырдың жүрегін жегізген. Алайда оны шикі күйінде емес, кептірілген немесе қуырылған күйінде берген.

Ал заманауи аңшылардың желіде тараған видеодағы әрекеті желі қолданушыларына жабайылық болып көрінді. Екі ер адам қасқырды өлтіріп, жүрегін суырып алады. Мұнан кейін тыржиып отырып, қасқырдың жүрегін шикі күйінде жеп қойды.

Өз кезегінде желі қолданушылары оларды сөгіп, әрекетін жабайылыққа теңеді.