Бүгін еліміздің басым бөлігінде жел тұрып, тұман түседі
Сәрсенбі, 12 желтоқсан күні еліміздің бірқатар аймағында жел тұрып, тұман түседі.
Синоптиктердің болжамынша, Алматы облысында кей жерлерде тұман түсіп, көктайғақ болып, желдің жылдамдығы 28 м/с жетеді. Жамбыл, Қызылорда, Маңғыстау, Атырау, Батыс Қазақстан, Қарағанды облыстарында тұман және көктайғақ күтіледі. Маңғыстау, Атырау облыстарының кей жерлерінде жел 15-20 м/с күшейеді.
Ақмола, Түркістан, Қостанай, Солтүстік Қазақстан, Шығыс Қазақстан, түнде Павлодар облыстарында кей жерлерде тұман түсуі ықтимал.
Шығыс Қазақстан облысында желдің жылдамдығы 15-20 м/с жетеді.
