Қазақстанда бала денсаулығына қауіпті ойыншықтар сатылып жатыр

Елімізің кей өңірінде бала денсаулығына зиянды ойыншықтар сатылып келген. Мамандар ойыншық аларда сақтықпен қарауды ескертеді.Мамандар еліміздің шығыс, солтүстік өңірінде сатылған ойыншықтардың талапқа сай емес екенін айтады, деп хабарлайды 31 арна.Тексеру нәтижесінде ойыншықтардың көбі техникалық регламентке сай келмеген. Құрамындағы улы заттар баланың денесіне аллергия туғызуы, бауыр мен бүйрегіне кері әсер етуі мүмкін.Жас ана Әсел Ненашева баласына ойыншықты таңдап алатнын айтады. Базардағы арзан ойыншыққа жоламайды. Иісі шығып тұратын ойыншықтарды алмайды. Көбіне ағаш ойыншық сатып алатын көрінеді.Мамандар жүргізген тексеруде 240 ойыншықтың 136-сы талапқа сай болмай шықты. Құрамындағы фенол 10 есеге, изопропил спирті 20 есеге, ацетон 5 есеге, формальдегид 3 есеге, кадмий 2 есеге дейін көп болған. Талапқа сай келмеген ойыншықтың бәрі сатылымнан алынды.“Бұл ойыншықтардың зияны баланың ішкі ағзасына әсер етеді. Баланың бойынан әлсіздік пен жүрегі айну белгілері байқалады. Лоқсып құсады. Улы зат бала ағзасынан оңайлықпен сыртқа шыға қоймайды”, – дейді ШҚО қоғамдық денсаулық сақтау департаментінің бөлім басшысы Аленка Крваченко.