Смартфонды қас қағым сәтте қуаттайтын технология пайда болды

Австралияда Аделаида университетінің ғалымдары смартфонды қас қағым сәтте қуаттайтын технологияны жасап шығарды, деп хабарлады РИА Новости агенттігі ABC News ақпарат құралына сілтеме жасап.

Айта кетейік, бұл технологияны әзірге iPhone иелері ғана қолдана алады. Бұл технология iPhone батареяларын алмастыра алады, оның ерекше тетіктері бар және олар қуат көзін алу мен таратуға жауап береді. Қазіргі таңда мамандар бұл құрылғының қаншалықты қауіпсіз екенін тексеріп жатыр. Кейін оны өзге смартфондар үшін шығару жұмыстары басталады. Бұған дейін сарапшылар iPhone 9, iPhone 11 және iPhone 11 Plus смартфондары шығарылғаннан кейін iPhone X және iPhone SE модельдерінің нарықтан кететінін болжаған еді.