16 жастағы балаға найзағай түсіп қайтыс болды
Қайғылы жағдай кеше кешкілік уақытта жер үйдің ауласында болды, деп хабарлайды Baq.kz ақпарат агенттігі YK-news.kz сайтына сілтеме жасап.Кеше кешке Семейдің іргесіндегі Чекоман ауылында қайғылы жағдай болды. Ауа райы бұзылып тұрған кезде 16 жастағы бала үй ауласында болып, сол кезде найзағай соққан.
«Ол алған зақымы салдарынан көз жұмды», - делінген ШҚО ТЖД баспасөз хабарламасында.
Төтенше жағдайлар қызметкерлері найзағай ойнаған кезде жабық жерде отыру керектігін айтады. Егер найзағай жарқыраған кезде ашық жерде тұрсаңыз, қатар өшкен ағаштардың ығына тұрудың қажеті жоқ. Ондай кезде әсіресе емен, қарағай, терек, шыршаның астына тығылу өте қауіпті.
