Аманаттық депутаттардың сайлаушылармен есепті кездесулері басталды
Қазалы аудандық мәслихатының депутаттары, «AMANAT» партиясы фракциясының мүшелері өз сайлау окургтері бойынша елді мекендерді аралап, халықпен жүздесуде. Негізгі мақсат – халық қалаулылары атқарған жұмыстары бойынша есеп беріп, сайлаушылармен бірге өзекті мәселелерді талқылау.Есеп беру кездесудің алғашқы күні аудандық мәслихат депутаттары Нұрғиса Жалғасбаев пен Әділбек Сарабеков №11 сайлау округіне қарасты Басықара, Құмжиек, Қарашеңгел ауылдық округтерінде болды.
Ең алдымен Әділбек Сербайұлы өз сайлаушыларына депутаттық өкілеттік берілген кезден бастап атқарған жұмыстарын баяндаса, ал партия филиалының Атқарушы хатшысы Нұрғиса Жаппарбергенұлы фракция құрамымен жасалған жұмыстарды, сондай-ақ партияның «Ауыл аманаты», «Қарызсыз қоғам» және «Жер аманаты» сынды жобаларына ерекше тоқталып өтті.
Осы күні аманаттықтар Арықбалық, Көларық және Мұратбаев ауылдық округтерінің де сайлаушыларымен кездесті. Сайлауалды бағдарламаласының орындалуы туралы айтқан Нұрғиса Жалғасбаев, партия бағдарламасының да жыл қортындысымен қалай жүзеге асқанын тарқатты.
Жалпы ауылдық округтердегі кездесулерде жергілікті тұрғындар тарапынан түрлі тақырыптарда ұсыныс-пікірлер айтылып, жиынға арнайы қатысқан сала басшылары және ауылдық округ әкімдерімен бірлесе талқыланды.
#AMANAT
