Сыр өңірінде соны серпін бар
Соңғы жылдары Сыр өңірінің әлеуметтік-экономикалық дамуында соны серпін байқалады. Астана төрінде өткен аймақ басшысы Н.Нәлібаевтың кешегі брифингтегі баяндамасы өңірдің өсуінде оң өзгерістер барын аңғартты.Кешенді жоспарлар мен жүйелі жүргізілген жобалардың арқасында сан Қызылорда облысы қарқынды дамып қоймай, салаларда жақсы көрсеткіштерге қол жеткізіп үлгерді.
Атап айтсақ, жол инфрақұрылымын жетілдіруде, білім, мәдениет, спорт, мәдениет салаларында ауыз толтырып айтатын жаңалықтар жетерлік. Солардың біреуіне тоқталсақ, облыста биыл 4 мектеп пайдалануға берілді. Президент тапсырмасына сәйкес «Жайлы мектеп» ұлттық жобасы аясында 21 мектеп салынады деп жоспарлануда. Бүгінде оның 11-нің құрылысы басталып кеткен. Ал қалғаны келесі жылы жүргізілмек.
Иә, балаларға жасалған бұл қолдау кім-кімді де қуантады. Бірақ мұны тек білімге ғана көңіл бөлу деп түсінбеу керек. Неге десеңіз, «Жайлы мектеп» ұлттық жобасы білімді ғана емес, экономика мен отандық өндірісті де нығайтады.
А. ЖҮСІПОВА,
Аудандық "Қазалы" газетінің тілшісі
Аудандық "Қазалы" газетінің тілшісі
