Қазақстан Республикасы Қылмыстық кодекстің 68-бабы бойынша қылмыстық іс тоқтатылды
Қазалы аудандық сотында Қазақстан Республикасы Қылмыстық Кодексінің 188 бабының 1 бөлігімен, сотталушы Р-ға қатысты қылмыстық іс қаралды.Сотталушы Р. Сауда орталығындағы аяқ-киім сатылатын бутике кіріп, сөреде сатылымда тұрған, жәбірленуші А-ға тиесілі құны 20 000 тенге тұратын бір жұп ақ түсті былғары аяқ киімді жасырын жымқырып кеткен.
Сотталушы Р. сот талқылауында кінәсін толық мойындап, жәбірленушіА-ға келген материалдық зиянды қалпына келтіргенін, онымен татуласқандықтан істі қысқартып, жауаптылықтан босатуды сұраған. Жәбірленуші де сотталушыға кешірім беретінін, материалдық зиянды қалпына келтіргенін айтты.
Сот қаулысымен сотталушы қылмыстық жауаптылықтан босатылып, Қазақстан Республикасының ҚК-нің 68-бабының 1-бөлігі сай, жәбірленуші мен айыпталушы татуласып, келтірілген зиян толық өтелуіне байланысты қылмыстық іс тоқтатылды.
Қазалы аудандық сотының баспасөз қызметі
