Ғалымдар әлемнің сегіз халқы саңырауқұлаққа қауіпті төзбеушілік бар деген қорытындыға келді, деп хабарлайды BAQ.KZ.
Зерттеуге сәйкес, трегалозаға (саңырауқұлақ қантына) төзбеушілік кәрістер (58%), моңғолдар (50%), қазақтар (36%) және якуттарда (28%) жиі кездеседі.

Сондай-ақ мутация башқұрттар (17%), ашкенази еврейлері, шешендер және карачайлар арасында (әрқайсысы 14%) жиі кездеседі.

Gazeta.ru басылымында айтылғандай, төзімсіздікті тау еврейлері (2,5%), армяндар (3%), украиндар (3,5%), орыстар (3,8%) және белорустар (4,6%) сезінеді.

Сарапшылар трегалоза немесе «саңырауқұлақ қанты» саңырауқұлақтарда, балдырларда, жәндіктерде, бірқатар өсімдікте, сондай-ақ әртүрлі кондитерлік өнімдер мен жартылай дайын өнімдерде кездесетінін түсіндірді.

Өз кезегінде, Genotek медициналық генетика орталығының өнім директоры Александр Ракитко генетикалық мутацияға ұшырау қаупі жоғары топтағы адамға «саңырауқұлақ қантының» мөлшерін азайту керек екенін айтты.

Әйтпесе, бұл ас қорытудың бұзылуына әкелуі мүмкін.