Таразда 6 жастағы баланы достары өртеп жіберген
Жазатайым оқиға Таразда 17 маусымда болған деп хабарлайды Baq.kz ақпарат агенттігі өңірлік ТЖД баспасөз қызметіне сілтеме жасап.«Балалар белгісіз жағдайда 6 жасар баланың үстіне тез жаңғыш сұйықтықты құйып, өртеп жіберген», — делінген ведомствоның хабарламасында.
Жамбыл облысы әкімдігі Денсаулық сақтау басқармасы хабарлағандай, бүгінде ІІ және ІІІ санаттағы (денесінің 18%) күйік шалған бала ауруханаға жатқызылды. Бала №2 қалалық ауруханада күйік бөлімінің жансақтау бөлімінде жатыр. Оның жағдайын дәрігерлер орташа ауыр деп бағалауда.
Baq.kz
