Домбыра тарту харам ба – бас мүфти жауап берді
ҚМДБ төрағасы, Бас мүфти Наурызбай қажы Тағанұлы Бейбітшілік және келісім сарайы кулуарында "Домбыра тарту харам ба?" деген сұрақ төңірегінде пікірін білдірді, деп хабарлайды zakon.kzЖурналистер ҚМДБ басшысынан "Домбыра немес жалпы музыка исламда харам санала ма?" деп сұрады.
"ҚМДБ бұған дейін бірнеше рет осы мәселе бойынша түсіндірме берген, ал бұған дейін осында, Бейбітшілік және келісім сарайында пайғамбарымыздың құрметіне бірнеше іс-шара өткізіліп, онда домбыра және басқа ұлттық музыкалық аспаптар тартылды", – деді ҚМДБ-ның төрағасы, бас мүфти Наурызбай қажы Тағанұлы.
Журналистердің "Сонда домбыра тарту харам болмағаны ғой?" деген нақтылау сауалына ол: "Әрине, жоқ" деп қысқа қайырды.
