Биыл мешіттерде Құрбан айт намазы оқыла ма?
31 шілде күні Қазақстан мешіттерінде Құрбан айт намазы оқылмайды. Бұл туралы Қазақстан мұсылмандары діни басқармасының төрағасы, Бас мүфти Наурызбай қажы Тағанұлы мәлімдеді.«Алла қаласа, биылғы Құрбан Айт мерекесі Ғұламалар кеңесінің бекітуімен 31 шілде, 1-2 тамыз күндеріне сәйкес келіп тұр. Алайда еліміздегі карантин мерзімі 2 тамызға дейін ұзартылғандықтан, республика бойынша мешіттер жабық болады. Осыған байланысты 31 шілде күні Құрбан айт намазы оқылмайды», - деді Бас Мүфти Орталық коммуникациялар қызметінде. Бұған дейін ҚМДБ төрағасы Құрбан Айт қарсаңында халыққа үндеу жасаған еді.
www.inform.kz
