Халық қалаулысы ардагерлерге құрмет көрсетті
1 қазан – Халықаралық қарттар күнін мерекелеу қарсаңында дәстүр бойынша партиялық іс-шаралар жалғасуда. Негізгі мақсат – қарт азаматтарды құрметтеуді арттыру, олардың қоғам мен мемлекеттің дамуына қосқан баға жетпес үлесі үшін алғыс білдіру.Осы орайда бүгін аудандық мәслихат депутаты, «AMANAT» фракциясының мүшесі Ардақ Кәдір «Ардагерлерді ардақтайық» партиялық жобасы аясында орман және жануарлар дүниесін қорғауда табанды еңбек етіп, көпке үлгі болған сала ардагерлерінің шаңырағына арнайы барып мерекемен құттықтады.
Бейнеттің зейнетін көріп отырған қазыналы қарияларға ерекше қамқорлық көрсету, қартайған шағын лайықты деңгейде қамтамасыз етуге қамқорлық – «AMANAT» партиясының негізгі міндеті екенін айтқан аманаттық депутат аға ұрпаққа құрмет көрсетіп, түрлі сый-сияпаттарды табыстады.
Ал өз кезегінде ардагерлер көрсеткен құрметтері үшін ризашылықтарын білдіріп, баталарын берді.
"Қазалы"ақпарат
