Білім қызметкерлерінің дәстүрлі VI спартакиадасы мәресіне жетті
Жаңақорған ауданы, Облыстық олимпиадалар және қосымша білім беру орталығында Қызылорда облысының білім басқармасы мен Қызылорда облысының білім және ғылым қызметкерлерінің кәсіподағының ұйымдастыруымен Білім қызметкерлерінің дәстүрлі VI спартакиадасы болып өтті.Дәстүрлі спартакиада аясында Арал, Қазалы, Қармақшы, Жалағаш, Сырдария, Шиелі, Жаңақорған ауданы және Қызылорда қаласының ұстаздарынан құралған 8 команда бақ сынасты. Аталмыш спартакиада "Тоғызқұмалақ", "шахмат", "үстел теннисі", "шағын футбол", "баскетбол", "волейбол" спорт түрлерінен өткізілді. Төрт күнге созылған тартысқа толы дүбірлі спорттық дода нәтижесі бойынша жалпы командалық есепте жүлделі І орынды Қызылорда қаласының ұстаздарынан құралған команда иеленсе, жүлделі ІІ орынды Шиелі ауданының ұстаздары жеңіп алса, жүлделі ІІІ орынға Қазалы ауданынан келген ұстаздар жайғасты.
Сонымен қатар дәстүрлі спартакиадаға әділ төрешілік жасағандары үшін төрешілер де алғыс хатпен марапатталды. Сыр елінің спортшы ұстаздарына шығармашылық табыс пен мол жеңіс және алда өтетін республикалық мұғалімдер спартакиадасына сәттілік тілейміз.
"ҚАЗАЛЫ" ақпарат
