Жәрмеңке: Сапалы өнім, қолжетімді баға

Мұнда Әйтеке би кенті мен ауылдық округтерден 21 көлікпен 51 тонна өнім әкелініп, базар бағасынан төмендетіліп сатылды.

Нақтыласақ, 100 литр шұбат, 40 тонна қауын, қарбыз, 3 тонна асқабақ, 3 тонна жуа, 20 бас қой, «РЗА-СҮТ» ЖШС өнімдері 1 тонна және «Игіліков» ЖШС балықтары тұрғындарға ұсынылды.

Аудан әкімі Мұхтар Оразбаев жәрмеңкеге арнайы барып, баға мен тұтынушылар талабына баса назар аударды. Сондай-ақ, тұрғындармен пікірлесіп, ауыл шаруашылығы өнімдерінің сапасына оң бағасын берді.

Жәрмеңкеде қарасы қалың болған келушілер өздеріне қажетті өнімдерді көптеп алып, қуана тарқасты.