Қанша шетелдік Қазақстан азаматтығын жеңілдетілген тәртіппен алды
Ішкі істер министрлігі соңғы 5 жылда Қазақстан азаматтығын жеңілдетілген тәртіппен алған шетел азаматтарына қатысты дерекпен бөлісті, деп хабарлайды inform.kz.«Қазақстан Республикасының азаматтығына қабылдаудың оңайлатылған тәртібі белгіленетін адамдар үшін кәсіптердің тізбесін және оларға қойылатын талаптарды бекіту туралы» Қазақстан Республикасы Президентінің 2005 жылғы 6 маусымдағы № 1587 Жарлығына сәйкес егер бейінді ведомствоның қолдаухаты болған жағдайда спортшылар және білім, ғылым, денсаулық сақтау саласындағы, IT және басқа да бағыттар саласындағы бағалы шебер мамандар Қазақстан Республикасының азаматтығына жеңілдетілген тәртіппен қабыладанады», - деп атап өтеді министрліктен агенттіктің ресми сауалына берген жауабында.
Осы ретте ведомство соңғы 5 жылда жеңілдетілген тәртіппін Қазақстан азаматтығын алған шетелдіктерге қатысты мәліметпен бөлісті.
«Соңғы бес жылда Қазақстан Республикасы Президентінің Жарлығымен осы санатқа жататын 364 адам (2022 жылы – 2, 2021 жылы – 97, 2020 жылы – 12, 2019 жылы – 192, 2018 жылы – 61) Қазақстан азаматтығын оңайлатылған тәртіппен алды», - деп нақтылайды министрліктен.
