Жолдау: Зиянды өндірістерде жұмыс істеп жүргендерге арнаулы әлеуметтік төлем жасалады
Зиянды еңбек жағдайында ұзақ уақыт қызмет еткендерді әлеуметтік қолдау тетігі әзірленді. Бұл туралы бүгін Қазақстан халқына Жолдауын жариялау кезінде Мемлекет басшысы Қасым-Жомарт Тоқаев айтты, деп хабарлайды inform.kz.Мемлекет басшысы Үкімет зиянды еңбек жағдайында ұзақ уақыт жұмыс істейтін адамдарды әлеуметтік қолдау тетігін әзірлегенін айтып, мәлім етті. Осы орайда, Президент бұл мәселе көптен бері талқыланғанын және енді оның шешімі табылғанын жеткізді.
«Салаларды дамытуға қосқан қомақты үлесін және денсаулығына келтірілген зиянның дәрежесін ескере отырып, мұндай жұмысшыларға зейнеткерлік жасқа жеткенге дейін, яғни 55 жастан бастап арнайы әлеуметтік төлем төленеді. Парламенттен Үкіметтің ұсыныстарын жедел қарауды сұраймын. Халық бұл мәселенің шешімін күтіп отыр», - деді Қасым-Жомарт Тоқаев.
