1 шілдеден бастап көліктер шекарадан электронды кезек жүйесі арқылы өтіп жатыр
Бұл туралы Қаржы министрлігі Мемлекеттік кірістер комитеті Бақылау департаментінің директоры Елдос Саудабаев айтты.Ведомство өкілінің мәліметінше, бұл өткізу пункттерінде кептеліс болдырмас үшін жасалып отыр.
Мұндай жағдай әлемнің көптеген елінде болып жатыр және ондай фактілерді болдырмас үшін жекелеген елдер өз шекарасында электронды кезек енгізіп жатыр. Өйткені электронды кезек жүйесі тауарлар мен көліктердің қозғалысын реттеуге және ашықтықты қамтамасыз етуге ықпал етеді.
Мәселен, үшінші елдермен Мемлекеттік шекарадағы 10 автомобиль өткізу пунктінде барлық тасымалдау процесінің ашықтығын қамтамасыз ететін электронды кезек жүйесі енгізілді. Кезекпен барлық ықтимал манипуляциялар мен сыбайлас жемқорлық тәуекелдері алынып тасталды. Нақты кезекте тұрып, күту де алынып тасталды.
"1 шілдеден бастап электрондық кезек жүйесін пайдалана отырып, автокөлік құралдарын өткізуді регламенттейтін бірқатар НҚА қолданысқа енді. Бұрын қолданылған уақытша схемалар өз күшін жойды", - деді ол.
Бүгінгі таңда 27 мыңнан астам пайдаланушы электронды кезекті пайдаланды, 89 мыңға жуық автокөлік құралы жүрді.
