Ормандарда құрып кету қатерi төнген ағаштарды кесуге тыйым салынбақ
Орман шаруашылығы және жануарлар дүниесі комитеті "Ағаштардың қурау және құрып кету қатерi төнген кезде мемлекеттік орман қоры учаскелерiнде ағаш кесуге тыйым салу туралы" туралы бұйрық жобасын әзірледі.Құжатқа сәйкес осы жылдың 31 желтоқсанына дейін мемлекеттік орман қоры учаскелеріндегі қылқан жапырақтылар екпелерінде басты мақсатта пайдалану үшін ағаш кесуге, ағаш және отын сүрегін (0,5 метрден 2 метрге дейін) және тіректерді қоспағанда, сүректі тиісті өңдеусіз дөңгелек түрде өткізуге тыйым салынады.
Облыстардың әкімдеріне бұл тармақтарды жүзеге асыру жөнінде қажетті шаралар қабылдау ұсынылады.
