Айтулы айдағы ауызашар
Айлардың сұлтаны – Рамазан айында №26 Қазалы темір жолды электрмен жабдықтау мекемесі «Қожаназар ишан» мешітінің жамағатына ауызашар берді. Мешіт имамы Кенжебай Берінбаев: «Рамазан айында ораза ұстаған жан екі жағдайда қуанады. Бірі ауыз ашқанда, екіншісі Раббысымен қауышқанда, сонымен бірге «аузы берік жанға ауызашар беруші ораза тұтқанның сауабына ие болады» деген хадистері бар. Сондықтан сіздерді де Құдай қуантсын», – деді. Ауызашарға қатысушы барша жамағат атынан ЭЧ-26 мекемесінің басшысы Асқар Алмағамбетов пен ұжымының жұмысшы-қызметкерлеріне алғысын жеткізді.Сауабы мың айдан артық қасиетті айдың құрметіне жайылған дастарқаннан соң марқұмдарға құран қатым жасалды. Ұзақ жылдар бойы осы мекеменің басшысы болған еңбек ардагері Кемал Аманов ауызашарға қатысқан көпшілікке батасын берді.
Әлімжан ӘЛКЕБАЙҰЛЫ,
Әйтеке би кенті.
