Бүгін еліміздің төрт қаласында ауа ластануы мүмкін
Дүйсенбі, шілденің 3-і күні еліміздің төрт қаласында синоптиктер атмосферадағы зиянды заттар деңгейінің жоғарылайтынын айтып отыр, деп хабарлайды egemen.kz.«Қазгидромет» мамандарының айтуынша, 3 шілдеде Алматы, Өскемен, Риддер және Ақтау қалаларында қолайсыз метеорологиялық жағдайлар болады.
Қолайсыз ауа райы жағдайлары – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, жеңіл жел, тұман, инверсия) жиынтығы.
НМУ жағдайында елді мекендердегі атмосфералық ауаның сапасы нашарлауы мүмкін.
Ластану деңгейінің қалыптасуын анықтайтын маңызды факторлардың бірі синоптикалық жағдайды болжау (жел, жауын-шашын, ылғалдылық, ауа температурасы).
Қолайсыз ауа райында ұсынылады:
- ашық ауада, әсіресе тасжолдардың немесе басқа ластаушы көздердің жанында өткізу уақытын қысқарту;
- балалар мен жүкті әйелдер ұзақ серуендеуден аулақ болу керек;
- созылмалы өкпе аурулары, жүрек-қан тамырлары, аллергиялық аурулармен ауыратын адамдар көшеде болған кезде олармен бірге дәрі-дәрмектерді алып жүру керек;
- ашық ауада физикалық белсенділікті шектеу;
- жабық спорт кешендерінде дене шынықтыру және спортпен айналысу.
Синоптиктердің хабарлауынша, дүйсенбі күні еліміздің басым бөлігінде найзағай ойнап, жаңбыр жауады. Кей өңірлерде ыстық ауа райы сақталады.
