Қазақ тілі Telegram мессенджеріндегі ресми тілдер қатарына қосылды
Қазақ тілі Telegram мессенджеріндегі ресми тілдер қатарына қосылды. Бұл жөнінде stan.kz ақпарат агенттігі хабарлайды.Бұл жаңалықты ақпарат және қоғамдық даму министрлігінің баспасөз қызметі жазды.
“Бүгін Telegram әлеуметтік желісінің тіл параметрлеріне Қазақстан Республикасының мемлекеттік тілі ресми түрде қосылды”, – делінген ақпаратта.
Қазақ тілін iOS пен Android жүйелерінде және браузер нұсқасында қолдануға болады. Тілді өзгерту үшін параметрлер бөліміне өтіп, "Тіл" тармағын басып, қазақшаны таңдау керек.
Бұған дейін Telegram қосымшасының қазақшасы сілтеме арқылы beta нұсқа түрінде жұмыс істеген. Қазақ тілі Telegram-ға түркі тілдері арасында түрік пен өзбек тілінен кейін үшінші болып қосылды.
