Ол сәтті өтті. Сондықтан бөлшек салықты тұрақты негізге ауыстыру туралы шешім қабылданды. Алғашында ол жаңа Салық кодексімен бірге 2024 жылы ғана пайда болады деп болжанған. Бірақ кәсіпкерлер мен бизнес-қауымдастықтар 2023 жылдан бастап бөлшек салықты қолдануды белсенді түрде қолдады.

2023 жылғы наурызда Мемлекет басшысы бөлшек салықты салық кодексіне енгізу туралы түзетулерге қол қойды, оған сәйкес жұмыскерлерінің саны 200 адамнан аспайтын, ал табысы күнтізбелік жылда 2 млрд теңгеден аспайтын кәсіпкерлер бөлшек салықты қолдана алады. Ол аталғар мөлшерлемелер бойынша төленеді: жеке тұлғаларға сатылған кезде 4% және заңды тұлғалармен мәмілелер үшін 8%.

Бұдан басқа, қалалар мен ауылдық жерлерде қызмет түріне және объектінің орналасқан жеріне байланысты, мысалы, аудан орталықтары мен ауылдарда бизнесті жүргізудің әртүрлі жағдайлары ескеріле отырып, мәслихаттар ағымдағы жылдың 1 шілдесіне дейін мөлшерлемені 4% - дан 2% - ға (50 пайызға) дейін төмендетуге мүмкіндік алды.

Жалпы, Қарағанды облысында өңір басшысы Ермағанбет Бөлекбаев, қалалық және аудандық мәслихаттардың депутаттары бөлшек салық мөлшерлемесін 4% - дан 2% - ға дейін төмендету туралы мәселені қолдады. Бизнес үшін бөлшек салық мөлшерлемесін алғаш болып бүгін Қарағанды облысы Абай ауданы және Шет ауданы мәслихатының депутаттары бірауыздан төмендетті.

Біздің мәслихат бірауыздан бірыңғай бөлшек салықты 2% деңгейінде қолдады. Мәселе жергілікті органдардың құзыретіне жатқызылғандықтан, біз жергілікті бизнесімізді қолдай алдық, – деп атап өтті Шет аудандық мәслихатының төрағасы Саят Социал.

Микро және шағын бизнес үшін 190 қызмет түрі бойынша жеңілдік болады.

Біз бүгін заңды құқықты қолдандық және шағын бизнес үшін бөлшек салық мөлшерлемесін 4% - дан 2% - ға дейін төмендету туралы шешім қабылдадық. Бұл біздің микро және шағын бизнесіміз үшін 190 қызмет түрі бойынша жеңілдік болады, – деп хабарлады Абай аудандық мәслихат депутаты Елена Сутягина.

Қарағанды облысының кәсіпкерлер палатасының алаңында бизнес-қоғамдастық әлеуметтік маңызы бар тауарларға бөлшек сауда салығының мөлшерлемесін төмендету туралы мәсені бірнеше мәрте көтерді, атап айтқанда үй жанындағы дүкендер мен қоғамдық тамақтану өкілдері.

Аталған мәселені шешу үшін облыс әкімінің орынбасарының өкілдігімен есеп айырысуды жүргізу және шешімді әзірлеу бойынша жұмыс тобы құрылды. Қарағанды облысы бойынша мөлшерлемені 4% - дан 50% - ға дейін төмендету мәселесін облыс әкімі Ермағанбет Бөлекбаев қолдады. Қарағанды облысының қалған мәслихаттарының шешімі күтілуде, – деп атап өтті Қарағанды облысының кәсіпкерлер палатасының директоры Ернар Күлпейісов.

Бизнесті қолдаудың бұл шарасын қызметтің 190 түрі бойынша 35 мыңнан астам кәсіпкерлік субъект пайдалана алады. Бұл ретте олардың қызметкерлерінің саны 200 адамнан аспауға тиіс, ал жылдық табысы 600 мың АЕК-тен аспауға тиіс.

Бөлшек салықтың төмендетілген мөлшерлемесін қолдану 2023 жылдың 1 қаңтарынан бастап ретроспективті түрде енгізіледі.