Суға түсуде сақтық керек
Бүгін аудан әкімінің орынбасары Ж.Сүйеубаев пен аудандық төтенше жағдайлар бөлімінің бастығы А.Қалиев аудан аумағындағы рұқсат етілмеген қауіпті суға шомылу орындарын аралап, қауіпсіздік ережелерін түсіндірді.Нақтыласақ, Басықара ауылдық округіндегі 13-ші бекет, А.Тыныбаев атындағы Қазалы су торабы, Сырдария өзенінің жағалаулары мен Әйтеке би кентінің шығыс беткейіндегі Алтай каналының бойын аралады.
Жыл басынан бері облыс аумағында 10 адамның суға кету оқиғасы тіркелсе, оның екеуі Қазалы ауданында орын алған.
Бүгінгі күнде суға шомылу аймағы болып облыс әкімінің 2013 жылғы 13 қаңтардағы «Су объектілері мен су шаруашылығы құрылыстарындағы көпшілік демалуына, туризм мен спортқа арналған жерлерді белгілеу туралы» №7 қаулысымен (көпшіліктің арасында «Милиция көлі деп танылған) «Қашқан су» демалыс аймағы белгіленген.
Осыған орай, жақыныңа жанашырлық танытып, тыйым салынған және таныс емес орындарда шомылуға, балаларды қараусыз қалдыруға жол бермейік.
"ҚАЗАЛЫ" ақпарат
