Бейсенбі күні Қызылорда облысында шаңды дауыл соғып, Қостанай мен Шығыс Қазақстан облыстарына бұршақ жаууы мүмкін, деп хабарлайды Baq.kz ақпарат агенттігі «Қазгидромет» РМК-ға сілтеме жасап.
«31 мамырда Қызылорда облысының кей жерлерінде шаңды дауыл соғып, солтүстіктен батысқа қарай секундына 15-20 метр жылдамдықта жел соғады», - делінген хабарламада.«Қостанай облысының кей жерлерінде дауыл соғып, найзағай ойнайды және оңтүстік-батыстын секундына 23-28 метр аралығындағы жылдамдықпен жел соғады», - делінген хабарламада.
Ал Шығыс Қазақстан облысында бұл күні түнде үсік жүріп, ауа райы 2 градусқа дейін төмендеуі мүмкін. Кей жерлерде жауын жауып, таулы аймақтарда қар аралас жаңбыр жауып, найзағай ойнайды және күндіз бұршақ жаууы мүмкін.