Қабылдау жасады
Бүгін «AMANAT» партиясы ауданды филиалының алаңында «Қазалы көпбейінді орталық аудандық ауруханасы» бас дәрігерінің бастапқы медициналық санитариялық көмек жөніндегі орынбасары, аудандық мәслихат депутаты Әбілов Күншығар Әбілұлы қабылдау өткізіп, азаматтардың өтініш-тілектерін тыңдады.Қабылдауға келген тұрғындар денсаулық, әлеуметтік көмек, ем-дом, мүгедектік, жұмысқа орналастыру мәселелеріне қатысты өтініштерін жеткізді.
Халық қалаулысы әрбір азаматтың өтінішін мұқият тыңдап, шешілетін бірқатар мәселелерді тиісті орындарға хабарласып, оң шешілуіне ықпал етті. Ал кейбір өтініштерді өзінің назарына алып, ҚР қолданыстағы заңнамалары аясында шешуге ықпал ететіндігін жеткізді.
#AMANAT
